2022 жылдың 26 қазанында Облыстық психикалық денсаулық орталығында дәрігер-эпидемиологтар М.Т. Базарбаева және Р.Қ. Алшымбай медициналық қызметкерлерге «АИТВ инфекциясының профилактикасы» тақырыбында семинар жүргізді. 

Семинарда Қазақстан Республикасы Денсаулық сақтау министрінің 2020 жылғы 25 қарашадағы № ҚР ДСМ-204/2020 «АИТВ инфекциясының профилактикасы саласында қызметті жүзеге асыратын мемлекеттік денсаулық сақтау ұйымдарында тегін медициналық көмектің кепілдік берілген көлемі шеңберінде АИТВ инфекциясы мәселелері бойынша ерікті түрде анонимдік және (немесе) құпия медициналық зерттеп-қаралу және консультация алу қағидаларын бекіту туралы» бұйрығын,  Қазақстан Республикасы Денсаулық сақтау және әлеуметтік даму министрінің  22.07.2015 жылғы № 39 «Медициналық ұйымдардың эпидемиологтары үшін АИТВ-инфекциясы мәселелері бойынша әдістемелік ұсынымдарды бекіту туралы» бұйрығын таныстырды.

АИТВ инфекциясы – адамның иммун тапшылығы вирусы туындатқан, иммундық жүйенің ерекше зақымдануымен сипатталатын және жүре пайда болған иммун тапшылығы синдромы қалыптасқанға дейін оның баяу бұзылуына алып келетін созылмалы инфекциялық ауру. 

ЖИТС – жүре пайда болған иммун тапшылығының синдромы, аурудың соңғы, терминальды сатысы.

Инфекция көзі вирус (ретровирус) жұқтырған адам – вирус тасымалдаушылар. ЖИТС-пен ауырған адамдар инфекция жұқтыру көзі болып табылады. Ешқандай ауру белгілері байқалмағандықтан әсіресе вирус тасымалдаушылар өте қауіпті.

АИТВ инфекциясы 4 кезеңнен тұрады:

белгілері жоқ инкубациялық кезең;

алғашқы белгілердің пайда болуы;

екіншілік инфекцияның қосылуы;

ЖИТС – терминальдық кезең: орталық нерв жүйесінің зақымдануы,

кахексия, онко – ЖИТС.

Инфекцияның берілу жолдары:

Парентеральды – қан арқылы жұқтыру;

Кез-келген қорғалмаған (мүшеқапсыз) жыныстық қатынаста;

Вертикальды жол (анадан балаға).

Ересектер мен 18 айдан асқан балаларда АИТВ-инфекциясының

диагностикасын жүргізу тәртібі екі кезеңнен – бірінші және растаушы кезеңнен тұрады.