2022 жылдың 22 қазанында облыстық психикалық денсаулық орталығының мәжіліс залында келе жатырған мемлекеттік мерекесі - Республика күніне орай жиналыс өткізілді.

Орталықтың директордың міндетін атқарушы Рзабекова Базархан Рзабековна айтулы мерекемен құттықтады.

2022 жылдың 16 шілдесінде Ұлттық құрылтайда Қазақстан президенті Қасым-Жомарт Тоқаев ұлттық мереке мәртебесін Республика күніне қайтаруды ұсынған болатын. 

Алғаш 1990 жылы 25 қазанда Қазақстанның егемендігі туралы декларация қабылданды. 

Республика күні Қазақстанда 1992 жылдан бері тойланып келе жатқанымен мемлекеттік мерекелер тізіміне тек 2001 жылы ғана енгізілді. 2009 жылы "Қазақстан Республикасындағы мерекелер туралы" қолданыстағы заңға өзгерістер енгізілген еді. Оған сәйкес, 30 тамыз - Қазақстан Республикасының Конституциясы күні ұлттық мереке болып өзгертілуіне байланысты, 25 қазан - Республика күні мемлекеттік мерекелер тізімінен алынып тасталған болатын. 

Ағымдағы 2022 жылы бұл мереке қайтадан мемлекеттік мереке ретінде қолданысқа енгізілді.