Маңғыстау облыстық денсаулық басқармасының басшысы тегін медициналық қызметті қалай алуға болатынын түсіндірді

Маңғыстаулықтар «Egov.kz» сайты арқылы немесеемделу орталығына бару арқылы тұрғылықты жерібойынша емхананы еркін таңдай алады. Бұл туралы Қоғамдық коммуникация орталығында өткен брифингте денсаулық сақтау басқармасының басшысы Аманбек Жұмыров хабарлады.

Спикердің айтуынша, тіркелу үшін тұрғын өтініш жазып, жеке куәлікпен баруы қажет. Бірақ міндеттітүрде өз мәртебесін анықтап алуы керек. 

-Жалдамалы жұмыскер, жеке кәсіпкер, зейнеткер, студент секілді мәртебесін нақты көрсетуі керек. Жылда 15 қыркүйек пен 15 қараша аралығында тіркеу науқаны өтеді. Сол уақытта басқа елдімекенге қоныс аударған, тұрақты барып жүрген емханасы жабылған тұрғындар емхананы ауыстыраалады, - деді Аманбек Жұмыров.

Ал жедел медициналық көмек алу үшін тұрғындар 103 нөміріне қоңырау шалу қажет. 1-жеделділік санатындағы шақырту өміріне тікелей қауіп төнген уақытта, шақырту алғаннан кейін он минуттажетеді. Ал 2-жеделділік санаты 15 минутқа дейін, 3-жеделділік санаты - 30 минутқа дейін, 4-жеделділік санаты - 60 минутқа дейін келеді. Қандай жағдайларда медициналық қызметкерді үйге шақыруға болады?  

-Мысалы, тұрғын науқастанып, дене қызуы 38 градустан жоғары көтерілсе, артериялық қан қысымы жоғарыласа, қандай да бір жарақат алса, вакцинациядан кейін жай-күйі нашарласа дәрігерді үйге шақырта алады, деді басқарма басшысы. 

Ал, уақытша еңбекке жарамсыздық туралыанықтамаларды дәрігерге барып, лабораториялық және инструментальды тексерістен өтіп, жазылғаннан кейін алуға болады. Сондай-ақ, ауруханаға шұғыл және жоспарлы түрде жату үшін алдымен емханадағы аймақтық дәрігерге көрінуі қажет. Дәрігер науқасты қарап, ауруханаға жатыпемделу қажеттілігін анықтайды. Содан кейін, дәрігер аурухананы науқаспен бірлесіп таңдап, жолдама рәсімделгеннен кейін ауруханаға жатқызу талонын береді.

Сонымен қатар, диспансерлік есепте тұрған жандардәрілерді тегін ала алады. Атап айтқанда, қан айналым және ас қорыту жүйесі ауруларына, иммундық жүйеге қатысты ақаулар, эндокриндікжүйе аурулары, тамақтанудың бұзылуы және заталмасу процесіндегі өзгерістер, сүйек-бұлшық етжүйесінің және дәнекер тін аурулары кезінде, жүйке жүйесінің аурулары, мінез-құлық және психика жүйесіндегі ауытқулар, жұқпалы және паразиттік аурулардың кейбір түрлері, ісіктер, тыныс алу органдарында кездесетін аурулар, ағзалармен тіндерді ауыстыру операциясынанкейін, несеп-жыныс жолдарында кездесетінауруларда науқас тегін дәрі ала алады.

Тегін дәрі алып, мемлекет көмегін алған жанның бірі, 62 жастағы Арзухан Байтубетова. 

-Мен Қызылтөбе ауылындағы 2-учаскенің тұрғынымын. Тұрғылықты мекен-жайым бойыншатіркеліп, 9 жылдан бері дәрі-дәрмекті тегін алыпжүрмін. Жылына екі рет тегін ауруханаға жатқызады. Дәрігерім Жадыра Каржаубаева мен медбике Амангүл Қайырғалиеваға айтар алғысым шексіз. Олар өте білікті мамандар. Кез-келгенуақытта күліп қарсы алады, - дейді тұрғын.

Жалпы Маңғыстау облысында денсаулық сақтау басқармасына қарасты медициналық ұйымдарда 15 категорияға кіретін адамдарға мемлекеттік қызмет тегін көрсетіледі. Атап айтқанда, «Алтын алқа», «Күміс алқамен» марапатталған және «Батыр Ана» мәртебесі бар, 1,2-дәрежелі «Ана даңқы» орденінеие көп балалы аналар, Ұлы Отан соғысы ардагерлері мен мүгедектері, мүгедектер, жұмыссыздар, интернат тәрбиеленушілері, күндізгі оқу түрінде оқитындар, бала күтіміне байланысты, бала асырап алуына байланысты демалыстаотырғандар, үш жасқа дейінгі бала күтіміндегі тұлғалар, зейнеткерлер, әскери қызметшілер, арнайы мемлекеттік органдардың, құқық қорғау мекемелерінің қызметкерлері, минималдықауіпсіздік деңгейінен басқа түзеу мекемелеріндежазасын өтеушілер, уақытша ұстау және тергеуизоляторында ұсталушылар тегін медициналық көмек ала алады.